-->

مشاكل زوجية من احدى الاشخاص يطلب نصيحه وحل ضرورى

مشاكل زوجية من احدى الاشخاص يطلب نصيحه وحل ضرورى

    مشاكل زوجية من احدى الاشخاص يطلب نصيحه وحل ضرورى 


    من فضلك من غير اسم ولا صورة

    حضرتك مشكلتي طويله معلشي هطول عليكم اني اتجوزت برغبه ابي هو كان عاجبه العريس جدا ووافق عليه ولما جم شافوني تاني يوم بسال امي هما هياخدوا الرد مننا امتي قالت رد ايه احنا قرينا الفاتحه انصدمت ابي يعمل فلاح وأما اعتز بذلك وبالتالي مفيش بنت تكسر كلام ابوها
    كتير حاولت أفسخ الخطوبه ومعرفتش اتجوزت ومكنتش مرتاحه له حاولت اتقلم مكنش عندي اي علاقات قبل كده اتجوزنا والمشاكل بدات من اول اسبوع جواز مفيش اي تفاهم بينا احنا الفرق بيننا ١٤سنه حاولت اتاقلم وأحبه بس طبعه مش طبعي انا بحب الحياة الزوجيه جدا
    وكنت احب انها تكون احسن من كده هو مش كده خالص كل همه جمع الفلوس وشراء اراضي حصل ضرب وشتيمه وذل واهانه دلوقتي معايا ٣اولاد ومتجوزه من ١٨سنه دلوقتي فيه مشاكل كتير اتهمني أن عليا جن واتهمني كذا اتهام وكنت بصبر علشان عيالي
    بصراحه مش بيديني حقي الشرعي وجايب العيب فيا ويقول عليكي جن وبتاع انا بصلي الوقت بوقته حاولت كتير اثبت اني كويسه والحمد لله اثبت كده وثبت أنه هو تعبان وراح كشف وطلع عنده ضعف دلوقتي هو قال هيتعالج وراح مره للدكتور ومكررهاش تاني ولا جاب العلاج غضبت كتير وحالتي النفسيه ساءت كتير وكان بيغمي عليا من حالتي النفسيه الزفت
    دلوقتي انا محتاره عايزه انفصل وعايزه رايكم ومحدش يقولي جايه دلوقتي تقرري الانفصال لاني بأمانه جبت اخري وبقيت منهاره دائما ولا ليا قدرة اربي عيالي ولا ليا قدرة اكون هاديه ف وسطهم ولا ليا قدرة اعيش معاه تاني ومش قابله يلمسني من كتر عمايله فيا ورحت للدكتوره.
    نفسيه قالت لي اقعدي عند اهلك شهر ولا اتنين
    لو حسيتي انك مرتاحه ومش عايزه ترجعي مترجعيش وانفصلي هل لو انفصلت دا يأثر علي نفسيه اولادى بس نفس الوقت حاسه اني مش قادره افيدهم ولا اربيهم وانا كده علي فكره لو حصل مشكله بيننا حتي لو بسيطه ممكن يفضل زعلان بالشهر والاتنين واحنا ف نفس الشقه
    ومفيش اي حاجه تحصل بيننا طول الشهرين دول وممكن اكتر ومره وصلت لأربع شهور كمان وعادي عنده ودي حاجه تعباني جدا ارجوكم الرأي من غير تجريح
    علشان انتو متعرفوش نفسيتي عامله ازي دلوقتي
    Jobs every day
    Follow the latest posts on the telegram channel subscribe now